Maronite News
  • First page الصفحة الاولى
  • News أخبار
  • Priests كهنة
  • Parishes رعايا
  • Free speech خطاب حرّ
    • الفرد بارود
  • Videos فيديو
  • Events نشاطات
  • History تاريخ
  • Bible الانجيل
  • Saints قديسين
  • Our prayers صلاتنا
  • Our mission أهدافنا
  • Contact us اتصل بنا
  • Donate

سيدنا... يا سيدنا... وينك؟

12/14/2021

0 Comments

 
Picture
وحياتك ووحياة الصليب اللي حاملو شبعنا وعظ وتحذير وما خلونا وطروحات ما بِتْوَصِل لمحل.
كرمال يسوع بكفي جمعيات ومؤسسات ورهبان منزوية وصفوف ذل ع بواب ما إلها لزوم.
بجاه كل اللي بتحبهم بالصرح وبراتو طل علينا ودافع عن ارواحنا وعالقليلة حسبنا متل رياض وسليم وجان وسمير وميشال.
سيدنا نحن عم نكفر وبلشنا نموت ببيوتنا، بلا شغل وبلا عيد وبلا امل وبلا ايداعات، وبلا طبابة وبلا مازوت بهالبرد وبلا كهربا وبلا بركة وبلا قيمة للانسان.
بْحَلْفًكْ بالصليب اللي ع صدرك واللي بمثل موت يسوع ع إيد الخونة كرمال يخلصنا، عملك كزدورة ع بيوتنا، ما تْبَيْعِد كتير لان البنزين غالي، عملك برمة حول بكركي وضواحي جونيه والمنطقة اللي كل عمرها كان اسمها الكسليك، فتاح خزانات الناس وبراداتها ودق بواب غربة الرعية اليأسانة ببيوتها وشوف وين صرنا!
سيدنا طرقات فتوح كسروان وساحلو صارت مسكونة بالاشباح، واللي قادر فل، واللي مش قادر عم يبكي او عم ينتحر.
خبروك سيدنا عن العسكري المتفاعد اللي حرق حالو مبارح بالليل ببدنايل لانو بطل معو ياكل؟
سيدنا جماعة المنظومة والاقطاع وحتى الاكليروس اللي بزوروك كل يوم مش ناقصهم شي ابداً، بعدهم بسوقو سيارات فخمة، وبيحتفلو بأعياد ميلادهم، وبيعملو اعراس بملايين الدولارات، وبيلبسو احسن لبس، وبياكلو افضل اكل، وبيتصرفو بحرية بأموالهم اللي هربوها للخارج...


Picture
Picture
سيدنا جماعة التركيبة الحاكمة والاوركسترا المدعيي المعارضة بعدهم بسافرو وبيشترو اراضي وبعلمو ولادهم خارج لبنان ونحن ولادنا عم تهج من هالبلد وعم تنشحط من مدارسكم لانو ما معها تدفع القسط.
سيدنا اذا حكينا بيحبسونا، واذا تظاهرنا بخونونا، واذا بكينا بيتهمونا بالبطر، واذا هاجرنا بالخارج بَطَلُو يحترمونا، واذا متنا بيرتاحو منا، طيب عن جد حدا يخبرنا عند مين منروح؟
سيدنا التاريخ بقول مجد لبنان اعطي لمقام بكركي، طيب خبرو هالشعب اللي عم يتبهدل وين صرنا من امجاد بطاركتنا اللي ماتو كرمال شعبهم واللي رهنو كل شي تيحافظو ع وجودنا.
سيدنا نحن تعبنا والدولار رايح صوب السما ونحن عم نركض ع جهنم، قولك التاريخ رح يرحم امجاد صارت فارغة بإيامنا القاحلة.
شعبك عم يبكي واذا البطل والمخلص مش موجود يمكن الافضل نخلق بطل قبل ما تخلص الحكاية ونصير الذكرى.
والله العظيم كتير هيك، ضياع، تعتير، ذل، تحقير، افلاس وناس صارت ع باب الله وما حدا سألان.
رحمتك يا يسوع
​
جورج يونس
Picture
Picture
0 Comments



Leave a Reply.

    صفحة الخطاب الحرّ على موقع مارونايت نيوز، تنشر مقالات لأصحاب رأي، وهي لا تعبر بالضرورة عن رأي الموقع أو مواقفه. وتبقى حريّة التعبير هي الأساس، والمناقشة الفكرية البعيدة عن الغرائز هي المبتغى

    Archives

    June 2022
    March 2022
    February 2022
    January 2022
    December 2021
    November 2021
    October 2021
    September 2021
    August 2021
    July 2021
    June 2021
    April 2021
    March 2021
    February 2021
    December 2020
    November 2020
    October 2020
    September 2020
    August 2020
    January 2020
    September 2019
    August 2019
    July 2019
    June 2019
    May 2019

    RSS Feed


Contact us - اتصل بنا

No Copyrights: maronite news 2015 - 2022
Donate
MARONITE NEWS - NEWS ABOUT MARONITES - MARONITES IN CANADA - MARONITE BUSINESSMEN BUSINESSMAN - LEBANESE - LEBANESE IN CANADA - LEBANESE IN MONTREAL - LEBANESE IN LAVAL - LEBANESE DIASPORA - MARONITE DIASPORA - SAINT LAURENT - MAR MAROUN - MAR MAROUN MONTREAL - LES MARONITES - MARONITES DU CANADA - LE PEUPLE LIBANAIS - LE PEUPLE MARONITE - LES MARONITE - QUI SONT LES MARONITES - LIBAN - LEBANON - QUEBEC CATHOLIQUE - QUI SONT LES MARONITES? - L'HISTOIRE DE L'EGLISE MARONITE - L'HISTOIRE DU LIBAN - L'HISTOIRE DES MARONITEs - MARONITE HISTORY - LEBANESE HISTORY - LEBANESE PEOPLE IN CANADA - 
  • First page الصفحة الاولى
  • News أخبار
  • Priests كهنة
  • Parishes رعايا
  • Free speech خطاب حرّ
    • الفرد بارود
  • Videos فيديو
  • Events نشاطات
  • History تاريخ
  • Bible الانجيل
  • Saints قديسين
  • Our prayers صلاتنا
  • Our mission أهدافنا
  • Contact us اتصل بنا
  • Donate