زعماء ونكبة

جورج يونس

بعد ال ١٩٤٨ زعماء الموارنة غطو دخول الفلسطينيي وإنفلاشهم لاسباب إنتخابية وخاصة
بال ١٩٧٣ كيسنجر عرض على الرئيس فرنجيه، خلال زيارتو للبنان، هجرة المسيحيين
بال ١٩٧٦ دين براون رجع عرض على رموز الجبهة اللبنانية، خلال زيارتو للبنان، ترحيل المسيحيين
بال ١٩٧٦ رحب المسيحيون بتشريع دخول الحيش السوري ع لبنان بهدف تقييد التمدد الفلسطيني
بال ١٩٩٠ تقاتل المسيحيون فيما بينهم، ثم تنازل نوابهم بغطاء بطريركي عن كافة الصلاحيات الرئاسية، وبعدها بيعو سلاحهم وبلش زمن الوصاية السورية
بال ٢٠٠٦ تم تغطية تمدد النفوذ الايراني بلبنان من قبل المسيحيين
بال ٢٠١١ بدأ النزوح السوري ع لبنان بحيث وصل عددهم لأكثر من ٢.٣ مليون نازح بال ٢٠١٥ وسط غيبوبة تامة للقيادات المسيحية، وتغاضي قاتل عن الخطر الداهم بالمدى الطويل، نتيجة امكانية توطين قسم كبير منهم
بال ٢٠١١ طلب ساركوزي من البطرك الراعي خلال زيارتو لباريس، بأن يأتي الى فرنسا بمن تبقى من المسيحيين في لبنان وسوريا

بال ٢٠٢٠ ازمة اقتصادية غير مسبوقة يتعرض لها الشعب اللبناني، بعد مصادرة اموال الناس من قبل مصارف مملوكة بأغلبيتها من قبل سياسيي لبنان ورجال اعمال ذو أغلبية مسيحية، وبعد اكتشاف قيام مصرف لبنان بإدارة حاكم مسيحي، بإقراض الدولة التي تعاني من النهب المبرمج والافلاس والفوض، من اموال المودعين
بال ٢٠٢٠ تفجرت بيروت وتفجر معها القضاء والاوادم بهالبلد
بال ٢٠٢١ غرق كل الوطن بأزمة انهيار الاقتصاد والعملة بشكل غير  طبيعي، وبعدو المسيحي ما بدو يفهم حجم إنغماس المسؤولين عنو بالمؤامرة، وإنو مشروع توطين البديل عنو بأرضنا جاهز وناطرنا بس تنفهم حقيقة مخطط المجتمع الدولي، واللي غاطس فيه كل المافيا عنا.
بال ٢٠٢١ بالصدفة نزل كل شي فيه سلاح عالطيونة وصارو اهالي عين الرمانة ملاحقين اذا دافعو عن بيوتهم!
هون بتمنى على جهابذة ال ما منترك جبلنا ووقف الله يخبرونا: "شو مقومات الصمود اللي وفرها المسؤولين عن مصيرنا تيبقى المسيحي بهالارض؟ يا هل ترى مبين شي معكن"؟
بال ٢٠٢١ زار البابا قبرص القريبة منا واعرب عن قلقو ع مصير المسيحيين بلبنان! قولكم إجى كل هالمسافة بس تيعرب عن قلقو علينا؟
بالنهاية، بعد كل هالسرد وحجم التورط الداخلي، بعدنا ما بدنا نفهم كيف رايحة الامور! عَ كل حال، خلو عيونكم ع صالة الخروج بمطار بيروت، صفوف اللي عم بفلو وحدا بتكمل الخبرية