top of page

انشر يا صديقي انشر بركي بتشرق شمس الحقيقة من شي محل على هالكوكب!



نحن ميزان الحق الما بينحني

نحن السنونو اللي بتحمل معا الربيع

نحن الفرحة المزروعة ع وجوه اليتامى

نحن اللحن اللي مَجَدْ الله بكل الدني

نحن صوت "القمحة اللي انزرعت بقلوبنا"

نحن صدى "ليلة الميلاد" وأنغامها

نحن جوقة "منشدو لبنان الصغار"

نحن اللي "توكلنا على الله" بأصعب الإيام

نحن الكلمة اللي بترشح ايمان

نحن مشحة التقديس بساعة التهجير

نحن اللي "قلبنا مهيا مغارة" بكل الاوقات

نحن اللي "تركنا كل شيء وتبعنا يسوع"

نحن دعوات الامات اللي رافقتنا من السما

نحن للمجروح "كفر سما" و"لو تدحال"

نحن اللي "أكلنا جسد الرب" مع كل المؤمنين

نحن نداء "يا أبانا الحق" عالأرض

نحن نساك الصمت الغافي خلف جروح المسيح

نحن مبارح واليوم وبكرا بإرث الكنيسة المارونية

نحن اللي "أمنا بالرب" وحملنا رسالتو ع كل الكون

نحن اللي بعدها "نفسنا عطشا لملك السما"

نحن اللي حملنا الصليب بدون ما نقدر ندافع عن حالنا

نحن الرعية اللي حدودها بلاد الله الواسعة

نحن اللي اخترنا "طريق الرب" متل ما رسملنا ياها

نحن اللي بتوجيهاتك بشرنا "بقداسة جسد الرب الحي"

نحن اللي نادينا خالق الكون وقلنالو "تعالى بيننا"

نحن اللي دعينا الناس "ليعودو كالاطفال" بموجب تعاليمو

نحن اللي توسلنا الخالق "لنضع الحب حيث البغض"

نحن اللي نادينا مريم لتكون "صلاتها معنا"

نحن اللي "تعثر دربنا" بأخر العمر وكنت وحدك رفيقنا

نحن اللي تخلا عنا الكل وما وقف معنا الا المحبين

نحن اللي نادينا "مريم ناي ألحان السما" لتنور دروبنا

نحن اللي "تعلمنا حبك يا الله" وترجمنا بوجعنا المكتوم

نحن العدالة المنقوصة بحجب الدفاع

نحن "شريد القمر" و"صبي لبنان" و"الغفران طريق السلام"

نحن "بيتان لا لشيء" و"ارز لبنان" والتراتيل المارونية بلغات عالمية

نحن الطاعة والسلام فوق الغدر والتخلي

نحن الجلجلة اللي ما وقفت لأخر ايام العمر

نحن السكوت اللي رح يفجر الحقيقة

نحن صوت الضمير الباقي للأبد بالوجدان والتراث الماروني

نحن معك ....للأبد بحسب تعاليمنا وبالرغم من كل شي

نحن لأخر العمر منصلي لتنصفك عدالة الارض قبل ما تنصفك عدالة السما...

أوفياء الأب منصور لبكي



コメント

5つ星のうち0と評価されています。
まだ評価がありません

評価を追加
bottom of page